ടെന്നീസിലെ ഇതിഹാസതാരം ചെക്ക് റിപ്പബ്ലിക്കിന്റെ മാര്ട്ടിന് നവരത്തിലോവയുടെ 306 വിജയമെന്ന റെക്കോര്ഡാണ് സെറീന മറികടന്നത്
ന്യൂയോര്ക്ക്: ടെന്നീസ് ഇതിഹാസം സെറീന വില്യംസ് മറ്റൊരു ലോക റെക്കോര്ഡ് കൂടി സ്വന്തം പേരിനൊപ്പം എഴുതി ചേര്ത്തു. യു എസ് ഓപ്പണില് മൂന്നാം റൗണ്ടില് സ്വീഡീഷ് താരം ജോഹന ലാര്സണെ നേരിട്ടുള്ള സെറ്റുകള്ക്ക് തോല്പ്പിച്ചപ്പോള്, ഏറ്റവുമധികം ഗ്രാന്സ്ലാം വിജയം സ്വന്തമാക്കുന്ന താരമെന്ന റെക്കോര്ഡാണ് സെറീനയുടെ പേരില് കുറിച്ചത്. ഇത് സെറീനയുടെ മുന്നൂറ്റിഏഴാമത്തെ ഗ്രാന്സ്ലാം വിജയമാണ്. ടെന്നീസിലെ ഇതിഹാസതാരം ചെക്ക് റിപ്പബ്ലിക്കിന്റെ മാര്ട്ടിന് നവരത്തിലോവയുടെ 306 വിജയമെന്ന റെക്കോര്ഡാണ് സെറീന മറികടന്നത്. 1995ല് പതിന്നാലാം വയസില് പ്രൊഫഷണല് ടെന്നീസില് അരങ്ങേറിയ സെറീന, ഈ കാലഘട്ടത്തിലെ ഇതിഹാസ താരമാണെന്ന് ഇതിനോടകം തെളിയിച്ചിട്ടുണ്ട്. 1999ല് ഗ്രാന്സ്ലാം കിരീടവേട്ടയ്ക്ക് തുടക്കമിട്ട സെറീന, ഇതുവരെ 22 കിരീടങ്ങളാണ് സ്വന്തമാക്കിയത്. ഇതില് ആറെണ്ണം സ്വന്തം നാട്ടുകാരുടെ മുന്നില്വെച്ച് നേടിയ യു എസ് ഓപ്പണ് കിരീടമാണ്.
യു എസ് ഓപ്പണ് വനിതാ വിഭാഗത്തില് വീനസ് വില്യംസ്, ഹാലെപ്പ്, റഡ്വാന്സ്ക, പെട്രോ ക്വിറ്റോവ എന്നിവര് നാലാം റൗണ്ടില് എത്തിയിട്ടുണ്ട്. പുരുഷ വിഭാഗത്തില് റാഫേല് നദാല്, ആന്ഡി മുറെ, നിഷികോറി എന്നിവര് നാലാം റൗണ്ടില് എത്തിയിട്ടുണ്ട്.
Related posts
-
ജെമിനി ചതിച്ച് ആശാനെ; എ.ഐ. ഉപയോഗിച്ച് യാത്രക്കാരെ പറ്റിക്കാൻ നോക്കിയ ടാക്സി ഡ്രൈവർക്ക് കിട്ടിയത് എട്ടിന്റെ പണി!
ഫ്ലോറിഡ: ആർട്ടിഫിഷ്യൽ ഇന്റലിജൻസ് (AI) ഉപയോഗിച്ച് വ്യാജ ചിത്രങ്ങൾ നിർമ്മിച്ച് യാത്രാക്കാരിൽ... -
റൺവേയിലേക്ക് ആൾ അതിക്രമിച്ചു കയറി; വിമാനമിടിച്ച് മരണം, എൻജിന് തീപിടിച്ചു:
ഡെൻവർ: അമേരിക്കയിലെ ഡെൻവർ അന്താരാഷ്ട്ര വിമാനത്താവളത്തിൽ പറന്നുയരാൻ തുടങ്ങിയ വിമാനം റൺവേയിലേക്ക്... -
ഭീതിയായി കപ്പലിലെ ഹന്താവൈറസ് ബാധ: ലോകാരോഗ്യ സംഘടനയുടെ ആഗോള ജാഗ്രതാ നിർദേശം; മൂന്ന് മരണം സ്ഥിരീകരിച്ചു
ജനീവ: വിനോദസഞ്ചാര കപ്പൽ കേന്ദ്രീകരിച്ചുണ്ടായ ഹന്താവൈറസ് ബാധയെത്തുടർന്ന് ലോകാരോഗ്യ സംഘടന ആഗോളതലത്തിൽ...